Li Cavalié dou Sèin Lèisuve

LI CAVALIÉ DOU SÈIN LÈISUVE
de Marco Rey

In tsamin religiouz da Chambery a Touiřin da faře an oucazioun de l'ostensioun de lou Lèinsuve Sèin dou 2010.

D'in lou 1578 li cavaliér de Emanuele Filiberto pourtavoun la Sacra Sindone da Chambery a Touiřin per reundre pi fachil aou vielh San Carlo Borromeo veneřee la reliquia.
Per ansevenise de sa viadzo, in grup de amprezaře, de religiouz, de artista, de apasiouna de chuval preu da li valou de solidarietà, de ospitalità e de cooperasioun ian foundà l'associasioun "Li cavalié dou Sèin Lèisuve".
An oucasioun de l'ostensioun dou 2010, se propone la pèrmieřa edisioun de sa suggestiv viadzo è tsamin de fede trasà da l'asouciasioun atravé le Alpi d'in lou teritoře francoprovensal desù le traseus di chuval dou milesinseun.
Partoun da Chambery diveundro 2 avril vèiřo de dzeun a chuval, fransé è italian è apré 7 dzort de viadzo è 240 quilometre de tsamin arivoun pi a Touiřin, an parata an plasa Tsatél lou dzort aioun coumansoun pi tot le celebrasioun per l'Ostensioun.
Maque set dzort aperque lou col dou Mounsenì ou l'et sarà per la nei alouřa se gave tre tapeus.
Li cavalié dou Sèin Leinsuve paseřeun per vieleut, tsamin è mountanha an pasan da Montemelian, Saint Pierre d'Albigny, Aiguebelle, Saint Leger, Saint Jean de Maurienne, Pontamafrey, Modane, Saint André, Bramans, Lanslevillard, Mounsenì, Noualèize, Matieus, Avilhaouna, Drueunt, Parc dla Mandria e Parc dla Pelerina Touiřin.
Lou tsamin francoprovensal Fransa-Italia, tsu li pas dou Sèin Lèisuve apré de catroseun an, ou l'ot tot le carateristiqueus per intré a faře part di gran itineraře internasiounal que atiřoun de pelegrin da tot le part dou mondo.
A chuval, an bici, a pia per tot lou loun o maque per carque toc seřot pi pousiblo counhèitre si post que ian vii pasé li veř cavali éque ian mèiřa lou Sèin Lèinsuve, post que sou col ařò plèin de tarseus è èiglèizeus queme lou counveun de Noualèiza, la certosa de Mounbenedeut, la Sacra de Sèin Micquel è Sèin Antone de Ranvers.
Tsambra francoprovensal sesioun de ch'ambra d'oc lhe fét la guida dou percours, et lou quart lèivro de itineřare de pi dzort, apré de :

• occitania a pé
• las valadas occitanas a pé
• tsamin francoprovensal

tsamineun per carcareun, tsamineun avé in motiv dedin, Li cavalié dou Sèin Lèinsuve viadzoun tsu li tsamin francoprovensal è se aveitoun dedin!

Infourmasioun dzeneral.
La louèindzou toutal: 240km
Tèin de viadzo: 9 dzort, 10 avé lou mounsenì
La dzournà: onhi tsamin dou dzort ou l'et meno de 6 oureus.
Difficoultà: medio/viaouta
Altitudin masima: 2083m (Col dou Mounsenì, sarà d'uvert da nouveumbro a mai ).
Terèin: vieuleut de mountnha, tsamin asfaltà, tsamin de campanha, tsamin dla léia è prà.

Lou tsamin d'in li tèin:
An 33, Gerusalemme: Notro Sinhou ou vien vertoulhà d'in lou lèinsuve;
Secolo VI, Edessa (Turchia):
An 944, Costantinopoli (incué Istanbul): li bizantin trasferisoun lou lèinsuve a Costantinopoli. An 1204, Atene: duřan la cuarta Crociata vien preu Costantinopoli e lou coumandan Ottone de la Roche, duc de Atene,ou la preun;
An 1353, Lirey (Fransa): lou cavalié Goffredo di Charny ou fét ina coulegià de canonic per vardé lou Lèinsuve.
An 1453, Chambéry, capital dou Ducat di Savoia: lou lèinsuve ou vien regalà ai Savoia da Margherita di Charny.
D'in lou 1532, a causa dou fouva, lou lèinsuve aou vien tazà daou metal foundu da la teca que lhe lou vardave, è couzù avé tèila de Olanda. Col incoué se vèioun le traseus dou bruzaa.
An 1578. Emanuele Filiberto ou mèiře per deloun lou Sèin lèinsuve a Touiřin, nuoueva capital dou Ducat di Savoia.
Lou Lèinsuva ou l'arive a Touiřin li 14 de steumbro, tra le creup de canoun a salve, an gran cerimonia.
Da alouřa lou Lèinsuve ou l'ot mai pi meiřase.