Foto: 

Il percorso

Dou 27 dzunh aou 24 lulh, 28 dzort de tsamin per pi de 500 km an viadzo tra: Piemoun,Savoia, Viaouta Savoia, Valez Sviser è Val d'ousta. Anviteun touit a venì avé nos per la lèinga francoprovensal, in toc, doué o tree, o l'antìe tort!

La lèinga francoprovensal et in ansèin de dialeut galloroumans que lhe se parle an tre stat : L'Italia, ( Val d'Ousta è ioouet valadeus dou Piemoun), La Svisera romanda è la Fransa: an Savoia, nord Dauphiné, Bourgogne sud e Franche Competé.
An Piemoun lhe se parle an Val Souiza, Valsangoun, val de Lans, Orco è Soana.
Ou na deut francoprovensal lou linguista Graziadio Isaia Ascoli d'in lou 1873.
L'area francoprovensal lhe sare in teritore que ou parle la mèima lèinga ma onhi post o una deut a sa maniera: an Fransa è Svisera na deuioun savouiard, patois, a notra moda, a notra maneri.......
Lou tsamin francoprovensal ou fét in tort de 28 dzort è ou vout groupé simboulicameun le dzeun francoprouvensal d'in in'europa a tchuval de tre stat: Italia, Fransa è Svisera.
Se tsamine per la lèinga, a travé di post que ian fourdzà le dzeun, la maniera d'èitre, tra le pleieus dle paroleus trouveun li sentimeun, lou coor dla dzeun.
Vouleun trouvé le dzeun, anouvré la lèinga, groupé per lou permie cool tot le parlaa francoprovensal è arbaté testimouniansa d'in la maniera dou post.
Et segù, paseun pa d'in tot lou teritore francoprovensal ma, aieun sernù in tort simbolic, bél, desù li vieleut de lh'arp e le mountanheus francoprovensal.
Ad onhi post de sosta ancountreun li enti istitusiounal, le asouchasioun, le dzeun.. lou tort ou vout groupé simboulicameun le dzeun per fare apré in gran itinerare cultural.
L'oubietiv schentific et sél de fare ina ricounhisioun de li sistema d'èicritura, per arbaté de documentasioun tsu la tradisioun, le coutumeus è le tsansoun.
Lou particolar serot lou travalh desù le grafieus util per veiro de reizounameun da fare per in francoprouvensal unic.
La regioun Piemoun et l'ente que nou soustien la Tsambra Francoprovensal ina sesioun de Chambradoc lhot idealo e lhe lou realize.
Soun iouèt personeus fiseus que fan tot lou tort, onhidun avé soun travalh: dzournalista, fotografo, guida, operatou documentarista, ufise stampa.... Qui vout peut acoumpanhenous per in tooc queme ou vout.
Queme per li roudzét " l'Occitania a pé " è " Las Valadas Occitanas a pé" la Tsambra francoprovensal lhe veet a publiqué touit li dzort desù Novas d'Occitania lou couèinte de lou viadzo an lèinga è an italian que ou servìt apré per in lèivro, tradot asé an frnsé è anglé, ina mostra fotografica è lou catalogo, ina guida dou tsamin è in documentaře desù lou viadzo.
Tot de material util a la promosioun de lou tsamin francoprovensal.
Iot dzò de asociasioun de escursioun que ian dounaa l'adezioun, lou percors ou part da Souiza la porta d'Italia, vielha sità roumaouna que avé li pai de l'antort lhe fét ioun di fort post francoprovensal, ou l'atraverse le mountanheus de la Vanoise a travé di pi ampourtan col alpin, la Savoia è si lai, lou spetacoul de le mountanheus pi viaouteus d'europa, lou Moun Blan.
Lou lai Leman è da Lozanna a la Val d'Ousta.
Lou Gran Paradiz è per le val de Lans torna a Souiza.